Наурыз-Бейбітшілік пен мейірімділік мерекесі

18.03.2024 жылы «Жәлел Қизатов атындағы жоғары ауыл шаруашылығы колледжі» КМҚК - да «Наурыз-Бейбітшілік пен ізгілік мерекесі» тақырыбында ашық сынып сағаты өткізілді.

Іс - шараны "Ветеринария" мамандығы бойынша 11 топтың сынып жетекшісі-Абылхалимова Аяулым Серікқызы өткізді. Сынып сағаты барысында топ 2 командаға бөлінді.

Әрбір команда 4 конкурсқа қатысты:

1. "Наурыз көже" – ингредиенттердің ішінен студенттер Наурыз көже дайындау үшін қажетті заттарды таңдады.
2. "Асық ату" - студенттер «Асық ату» ойынында өз шеберліктерін көрсетті.

3. "Көкпар" – әрбір команда берілген сұрақтарға шапшаң, әрі дұрыс жауап беру қажет.

4. "Ия/Жоқ" - әр командадан бір адам шақырылады. Бұл ойын шапшаңдықты, ептілікті талап етеді.

Командалардың жұмысын құрамына кіретін қонақтар бағалады:

1. Мусина Гүлзира Катранқызы - директордың ТІЖ жөніндегі орынбасары;

2.Дмитрик Татьяна Анатольевна - директордың ОІЖ жөніндегі орынбасары;

3.Черкасова Евгения Анатольевна - директордың ОӨЖ жөніндегі орынбасары;

4.Тойшибекова Рая Жанысқызы - гуманитарлық пәндер оқытушысы;

5.Ахметжанова Сәуле Орайханқызы - жалпы білім беретін пәндер оқытушысы.

Сынып сағатының соңында тамаша мерекеге орай «Шашу» атты шағын рәсім өткізілді. Іс-шара барысында қатысушылар қазақ халқының салт-дәстүрлері туралы біліп қана қоймай, мереке күндері дайындалатын дәмді ұлттық тағамдардың дәмін татты. Барлық қатысушыларға денсаулық, қуаныш, бейбітшілік пен амандық тіледі.